Qasym-Jomart Toqaev Qazaqstan qalalaryndaǵy karantın rejımin sozýdy tapsyrdy
NUR-SULTAN. QazAqparat – Memleket basshysy Qasym-Jomart Toqaev elordada, Almaty men Shymkentte jáne tıisti oblystarda karantın rejımin sáýirdiń aıaǵyna deıin sozýdy tapsyrdy. Bul týraly QR Prezıdentiniń baspasóz hatshysy Berik Ýálı Facebook-tegi paraqshasynda jazdy, dep habarlaıdy QazAqparat.
«...Biz koronavırýspen aýyrýdyń sharyqtaý shegin áli ótkizgen joqpyz. Іndetke qatysty jaǵdaıdy jeńildetýge bolmaıdy. Osy sebepke baılanysty karantın rejımin elordada, Almaty men Shymkentte jáne tıisti oblystarda sáýirdiń aıaǵyna deıin sozýdy tapsyramyn. Munyń ońtaıly sheshim emes ekenin túsinemin. Óıtkeni halyq kóshege shyǵyp, qalypty turmysyn jalǵastyrǵysy keledi. Biraq karantın rejımin saqtaýdan, oqshaýlanýdan basqa jol joq. Bul otandyq jáne halyqaralyq vırýsolog mamandardyń usynysy» - dep atap ótti Memleket basshysy óz sózinde.
Eske salsaq, buǵan deıin TJ rejımi týraly habarlaǵan bolatynbyz.
