Qasym-Jomart Toqaev: Qazaqstan burynǵysha UQShU-ǵa múshe eldermen seriktese jumys júrgizýge daıyn
«Bizdiń kezdesýimizdiń kún tártibi aıtarlyqtaı mazmundy. Búgin ózara qarym-qatynasymyzdy bekemdeı túsýde mańyzy zor aýqymdy máselelerdi qarap, ujymdyq qaýipsizdik júıesin kúshi men quraldarynyń tıimdiligin arttyrýǵa baǵyttalǵan birqatar qujatty qabyldaımyz. Sonymen qatar sessııanyń basty qujaty – ujymdyq qaýipsizdik keńesiniń deklaratsııasy men ádiletti ári bekem álemdik ahýaldy qurý týraly málimdeme bolmaq. Bul qujattardyń qabyldanýy – halyqaralyq dıalogty bekemdeý jáne damytýda, jahandyq jáne aımaqtyq problemalardy sheshýde yntymaqtastyqty kúsheıtýde ortaq beıildiligimizdi kórsetedi», - dedi Qasym-Jomart Toqaev sessııada.
Memleket basshysynyń aıtýynsha Ujymdyq qaýipsizdik týraly shart uıymyna múshelik – Qazaqstannyń syrtqy saıasatyndaǵy basymdyqqa ıe baǵyttardyń biri sanalady.
«Ujymdyq qaýipsizdik týraly shart uıymy – halyqaralyq saıasattyń aıqyn faktoryna aınalyp, Eýrazııa qurlyǵynyń basym bóliginde qaýipsizdikti qamtamasyz etýde oń rólge ıe bolyp otyrǵany qýantady. Biz burynǵysha beıbitshilik, qaýipsizdik, bizdiń halyqtardyń gúldenýi jolynda tıimdi sheshimderdi tabý úshin seriktesterimizben belsendi túrde jumys júrgizýge daıynbyz», - dedi Prezıdent.
