Qasym-Jomart Toqaev «Karantındegi juldyz» jobasyn joǵary baǵalady
NUR-SULTAN. QazAqparat - Búgin Tótenshe jaǵdaı rejımin qamtamasyz etý jónindegi memlekettik komıssııanyń otyrysynda Memleket basshysy Qasym-Jomart Toqaev qazaqstadyqtarǵa rızashylyǵyn bildirdi, dep habarlaıdy QazAqparat tilshisi.
«Osy múmkindikti paıdalanyp, azamattarǵa túsingenderi, shydamdylyq tanytyp, tabandy bolǵandary úshin rızashylyǵymdy bildirgim keledi. Mádenıet qaıratkerlerine jeke raqmetimdi joldaımyn. Olar sózben de, ispen de qazaqstandyqtarǵa kómektesýde. «Karantındegi juldyz« jalpyulttyq jobasynyń barysyn rızashylyqpen qadaǵalap otyrmyn. Biregeı ári paıdaly bastama», - dedi Memleket basshysy.
Osy rette Qazaqstan Prezıdenti daǵdarys jaǵdaıy jáne oǵan berilgen jedel jaýap vedomstvolardyń qyzmetin jetildirý, sonymen qatar ortalyq pen óńirler arasyndaǵy úılesimdilikti kúsheıtý qajettigin kórsetip bergendigin basa aıtty.
«Bizge kommýnıkatsııa problemasyna, eldiń bılik qurylymdary men azamattar arasyndaǵy keri baılanysqa nazar aýdarý qajet. Bul - daǵdarystyń bir sabaǵy ǵana. Mundaı sabaqtar az emes», - dedi Qasym-Jomart Toqaev.
