Qasym-Jomart Toqaev Iran Prezıdentimen telefon arqyly sóılesti

ASTANA. QazAqparat - QR Prezıdenti Qasym-Jomart Toqaev Iran Prezıdenti Ibrahım Raısımen telefon arqyly sóılesti, dep habarlaıdy Aqorda.

Ibrahım Raısı Qasym-Jomart Toqaevty kezekten tys ótken Prezıdent saılaýyndaǵy senimdi jeńisimen quttyqtady.

Memleket basshysy Iran Prezıdentiniń quttyqtaýy men izgi tilekterine rızashylyǵyn bildirip, Iran Islam Respýblıkasy Qazaqstannyń jaqyn seriktesi ekenin atap ótti.

Taraptar buǵan deıin qol jetkizilgen ýaǵdalastyqtar Qazaqstan men Iran arasyndaǵy tyǵyz yntymaqtastyqtyń aıqyn kórinisi ekenine nazar aýdardy.