Qasym-Jomart Toqaev halyqaralyq turaqtylyqtyń úsh qaǵıdatyn atady
«Osydan 77 jyl buryn BUU-nyń negizin qalaýshy memleketter Uıymnyń Jarǵysyna halyqaralyq quqyqtyń qaǵıdattary men normalaryn engizdi. Bul erejeler osy ýaqyt aralyǵynda bizdiń qyzmetimizdi tıimdi rettep keldi. Qazir osy ámbebap Uıymnyń negizinde qalyptasqan irgeli qaǵıdattarǵa qaıta oralý asa mańyzdy», - dedi Memleket basshysy.
Qazaqstan Prezıdenti memleketterdińegemendigi onyń aýmaqtyq tutastyǵymen tyǵyz baılanysty ekenin eske saldy.
«Atap aıtqanda, biz memleketter egemendiginiń teńdigi, memleketterdiń terrıtorııalyq tutastyǵy, memleketterdiń beıbit qatar ómir súrýi sekildi bastapqy úsh qaǵıdat arasyndaǵy baılanysty qaıta zerdeleýimiz qajet. Bul úsh qaǵıdat ózara bir-birine táýeldi. Osy qaǵıdattardyń birin saqtaý qalǵan ekeýin ustanýdy bildiredi. Al olardyń birin buzý, basqa ekeýin buzǵan bolyp sanalady»,- dedi Prezıdent.
