Qasym-Jomart Toqaev halyq aldynda ant berdi

ASTANA. QazAqparat – Qazaqstan Respýblıkasynyń prezıdenti bolyp qaıta saılanǵan Qasym-Jomart Toqaev Memleket basshysyn ulyqtaý rásiminde halyq aldynda ant berdi, dep habarlaıdy QazAqparat tilshisi.

Prezıdent ant bermeı turyp rásim ótetin saltanatty zalǵa Qazaqstan Respýblıkasynyń Týy, shtandarty men Konstıtýtsııasy ákelindi.

«Qazaqstan halqyna adal qyzmet etýge, Qazaqstan Respýblıkasynyń Konstıtýtsııasy men zańdaryn qatań saqtaýǵa, azamattardyń quqyqtary men bostandyqtaryna kepildik berýge, Qazaqstan Respýblıkasy Prezıdentiniń ózime júktelgen mártebeli mindetin adal atqarýǵa saltanatty túrde ant etemin», — dedi Qasym-Jomart Toqaev Konstıtýtsııaǵa qolyn qoıyp turyp.

Osy sátten bastap Prezıdent resmı qyzmetine kirisken bolyp sanalady.

Ant berilgennen keıin Qazaqstan Respýblıkasynyń Memlekettik Gımni oryndaldy. Sonymen qatar, Ortalyq saılaý komıssııasynyń tóraǵasy Memleket basshysyna Qazaqstan Respýblıkasy Prezıdentiniń kýáligin tapsyrdy.

Eske salsaq, QR Ortalyq saılaý komıssııasynyń shyǵarǵan qorytyndysy boıynsha 20 qarashadaǵy kezekten tys prezıdent saılaýynda kandıdat Qasym-Jomart Toqaev saılaýshylardyń 81,31 paıyz daýysyn jınap, jeńiske jetken bolatyn.

Osyǵan baılanysty Ortalyq saılaý komıssııasy QR Prezıdentiniń ant berý kúnin 26 qarashaǵa belgilegen edi.

Foto: t.me/bort_01