Qasym-Jomart Toqaev: Halqymyz Uly jeńiske ólsheýsiz úles qosty
«Qymbatty otandastar! Sizderdi Jeńis kúnimen shyn júrekten quttyqtaımyn! Barshamyz úshin bul merekeniń mańyzy erekshe.
Halqymyz Uly jeńiske ólsheýsiz úles qosty. Otandastarymyz maıdan dalasynda erlikpen shaıqasyp, olardyń jartysynan jýyǵy elge qaıtyp oralmady. Jaýyngerlerimizdiń batyrlyǵy men qaıtpas qaısarlyǵy Jer betinde beıbitshilik pen tynyshtyqty saqtaýǵa múmkindik berdi» delingen quttyqtaý hatynda.
Sondaı-aq, Prezıdent tyl eńbekkerlerin de osynaý merekesimen quttyqtap, tilek bildirdi.
«Tyl eńbekkerleriniń jankeshtiliginiń arqasynda Qazaqstan maıdan dalasyna orasan zor kómek kórsetti. Soǵys jyldary elimizge júzdegen zaýyttar men fabrıkalar kóshirildi. Maıdanǵa myńdaǵan vagon kıim-keshek pen azyq-túlik jiberildi. Aǵa býynnyń teńdessiz erligin qurmettep, zulmat soǵystyń zardaptaryn umytpaý - bizdiń qasterli boryshymyz. Barlyq ardagerler men tyl eńbekkerlerine zor densaýlyq, uzaq ǵumyr tileımin. Elimiz aman, jurtymyz tynysh bolsyn!», - dedi sóz sońynda.
