Qasym-Jomart Toqaev ǵylymdy qoldaý baǵytynda Úkimetke tapsyrma berdi

NUR-SULTAN. QazAqparat - Memleket basshysy Qasym-Jomart Toqaev ǵylymdy qoldaý baǵytynda Úkimetke tapsyrma berdi, dep habarlaıdy QazAqparat tilshisi.

QR Prezıdentiniń aıtýynsha, ǵylymdy qarjylandyrýdyń jáne qoldaýdyń mańyzdy kózi - iri kásiporyndardyń, ásirese shıkizat salasyndaǵy kompanııalardyń qarajaty.

«Tapqan tabystyń 1 paıyzyn ǵylym men tehnologııany damytýǵa berý týraly qoldanystaǵy norma talaptary saqtalmaı otyr. Kóp jaǵdaıda bul qarajat kompanııalardyń ishinde bóliniske túsip ketedi. Úkimetke osy qarajatty jınaqtaý isin ortalyqtandyrýdy jáne ony bıýdjet arqyly jalpy ulttyq ǵylymı basymdyqqa saı bólinýin qamtamasyz etýdi tapsyramyn», - dedi Prezıdent Qazaqstan halqyna jyl saıynǵy dástúrli Joldaýynda.