Qasym-Jomart Toqaev «Goldman Sachs» kompanııasynyń prezıdentimen kezdesti

NЬıÝ-IORK. QazAqparat - Qasym-Jomart Toqaev «Goldman Sachs» kompanııasynyń prezıdenti Devıd Solomonmen kezdesti, dep habarlaıdy Aqorda.

Kezdesý barysynda kompanııanyń Qazaqstandaǵy qyzmetiniń negizgi baǵyttary, onyń ishinde «Astana» halyqaralyq qarjy ortalyǵynyń sheńberindegi yntymaqtastyq máselesi talqylandy.

Memleket basshysy Devıd Solomonǵa kompanııasynyń Qazaqstandaǵy jekeshelendirýdiń keshendi josparyn iske asyrýǵa qatysqany, sondaı-aq, 2018 jyly AHQO bırjasy aktsıonerleriniń qataryna kirgeni úshin alǵys aıtty.

Qasym-Jomart Toqaev «Goldman Sachs» kompanııasymen yntymaqtasa otyryp Qazaqstanda jańa jobalardy iske asyrýǵa qyzyǵýshylyq tanytty. Atap aıtqanda, AHQO-men ózara is-qımyl aıasyn keńeıtý jáne qazaqstandyq kompanııalardyń IPO-ǵa shyǵýyna járdemdesý máselelerinde tyǵyz jumys isteýge nıet bildirdi.