Qasym-Jomart Toqaev Glencore kompanııasynyń bas dırektoryn qabyldady

NUR-SULTAN. QazAqparat - Qasym-Jomart Toqaev Glencore kompanııasynyń bas dırektoryn qabyldady, dep habarlaıdy QazAqparat Aqordanyń resmı saıtyna silteme jasap.

Sheteldik ınvestorlar keńesiniń 34-otyrysy aıasynda Qasym-Jomart Toqaev shıkizat taýarlarynyń saýdasy boıynsha álemdegi iri kásiporyndardyń biri, Glencore kompanııasynyń bas dırektory Gerı Neıglmen kezdesý ótkizdi.

Kezdesýde ekonomıkany kómirteginen aryltýdyń ózekti máseleleri, kompanııanyń Qazaqstan taý-ken-metallýrgııa jáne energetıka salalaryndaǵy jumysynyń jekelegen aspektileri talqylandy.

Memleket basshysy ekologııalyq normalardy saqtaýdyń, óndiriske ozyq tehnologııalardy engizýdiń mańyzdy ekenine basa mán berdi.

Bas dırektor Gerı Neıgl Prezıdentke Glencore kompanııasynyń Qazaqstandaǵy jumysynyń nátıjeleri men aldaǵy jospary týraly aıtty.