Qasym-Jomart Toqaev Germanııanyń burynǵy Federaldyq Prezıdentimen kezdesti
BERLIN. QazAqparat – QR Prezıdenti Qasym-Jomart Toqaev Germanııanyń burynǵy Federaldyq Prezıdenti Horst Kelermen kezdesti, dep habarlaıdy Aqorda.
Kezdesý barysynda taraptar keler jyly Nur-Sultan qalasynda ótetin Dúnıejúzilik saýda uıymy mınıstrleriniń konferentsııasyna daıyndyq barysyn, Qytaıdyń «Bir beldeý, bir jol» jobasy aıasyndaǵy yqpaldastyq sharalaryn, sondaı-aq, álemdegi saıası ahýaldy talqylady.
Memleket basshysy Qazaqstanda qolǵa alynǵan jańa strategııalyq baǵdarlamalar jaıynda jáne óziniń Saılaýaldy tuǵyrnamasynda aıtylǵan sabaqtastyq, ádildik, órleý qaǵıdattarynyń iske asyrylýy týraly aıtty.
Horst Keler sabaqtastyq dástúri el damýyna tyń serpin beretinin jáne Qazaqstandy Eýrazııadaǵy turaqtylyq ornaǵan aýmaq sanaıtynyn aıtty.
«Germanııa Federatıvtik Respýblıkasynyń burynǵy Prezıdenti Horst Kelermen kezdestim. Qazaq-nemis baılanystaryn nyǵaıtý múmkindikterin talqyladyq. 2020 jyly Nur-Sultanda ótetin DSU Mınıstrlik konferentsııasynyń mańyzdylyǵyn atap óttik. Eýrazııa qurlyǵyndaǵy ahýal jóninde pikir almastyq», dep jazdy Prezdent Twitter-degi paraqshasynda.
