Qasym-Jomart Toqaev Frantsııa komandasyn ÁCh-2018 jeńisimen quttyqtady
ASTANA. QazAqparat - Senat Tóraǵasy Qasym-Jomart Toqaev Frantsııa quramasyn Reseıde fýtboldan ótken Álem chempıonatyndaǵy jeńisimen quttyqtady, dep habarlaıdy QazAqparat.
«Frantsııany uly jeńisimen quttyqtaımyn!», - dep jazdy Q. Toqaev Twitter jelisine frantsýz tilinde.
Sonymen birge, Senat basshysy Álem chempıonaty týraly pikir bildirdi.
«Reseıde fýtboldan ótken Álem chempıonaty uıymdastyrý jaǵynan eń úzdik bolyp tarıhta qaldy. Reseı Federatsııasy álemge fýtbol derjavasy, sporttyq ınfraqurylymy damyǵan qonaqjaı el retinde tanymal. Reseılik basshylyqty, uıymdastyrý komıtetin jáne FIFA-ny quttyqtaımyn», - dep óz sózin tolyqtyrdy Q. Toqaev.
Eske sala ketsek, Frantsııa quramasy Álem chempıonatynyń aqtyq synynda horvatııalyqtardy 4:2 esebimen jeńip, fýtbol tarıhynda ekinshi ret jeńiske jetken edi.
