Qasym-Jomart Toqaev Eýropalyq Odaq ókili Peter Býrıandy qabyldaıdy

NUR-SULTAN. QazAqparat - Erteń 15 tamyzda «Aqorda» rezıdentsııasynda Memleket basshysy Qasym-Jomart Toqaev Eýropalyq Odaqtyń Ortalyq Azııa jónindegi arnaıy ókili Peter Býrıandy qabyldaıdy. Bul týraly QR Prezıdentiniń baspasóz hatshysy Berik Ýálı Facebook-tegi paraqshasynda jazdy, dep habarlaıdy QazAqparat.

«Erteń 15 tamyzda «Aqorda» rezıdentsııasynda Memleket basshysy Eýropalyq Odaqtyń Ortalyq Azııa jónindegi arnaıy ókili Peter Býrıandy qabyldaıdy. Kezdesýde Qazaqstan men Eýropalyq Odaq arasyndaǵy yntymaqtastyq, sondaı-aq bıylǵy 17 maýsymda qabyldanǵan EO-nyń Ortalyq Azııa boıynsha Jańa Strategııasy aıasyndaǵy ózara is-qımyl men ony iske asyrý máseleleri talqyǵa salynady»,-dep jazdy Berik Ýálı.