Qasym-Jomart Toqaev Eýropa komıssııasynyń tóraǵasyna tabys tiledi

NUR-SULTAN. QazAqparat - Qasym-Jomart Toqaev Ýrsýla fon der Lıaıendi Eýropa komıssııasynyń tóraǵasy bolyp saılanýymen quttyqtady, dep habarlaıdy Aqordanyń baspasóz qyzmeti.

Memleket basshysy óziniń quttyqtaý jedelhatynda Eýropalyq odaq Ýrsýla fon der Lıaıenniń basshylyǵymen ishki jáne syrtqy saıasatta jańa jetistikterge jetetinine senim bildirdi.

«Keleshegi bar ártúrli salalarda Sizben birlesip jumys isteıtinimizge úmittenemin jáne aldaǵy jyldardaǵy mańyzdy bastamalarymyzdy júzege asyrýda Sizdiń tarapyńyzdan qoldaý bolady dep sanaımyn», – dep jazdy Qazaqstan Prezıdenti.

Qasym-Jomart Toqaev Eýrokomıssııa tóraǵasyna amandyq, jaýapty qyzmetine mol tabys tiledi.