Qasym-Jomart Toqaev elimizdiń naǵyz batyrlaryn atady
«Kópshilik qazirgi ýaqytta naǵyz batyrlardyń jetispeıtinin aıtady. Biraq naǵyz qaharmandar jurttyń nazarynan tys jerde. Olar bizdiń aramyzda. Batyrlar kún saıyn zaýyt stanogynda jumys isteıdi, qoǵamdyq kólik júrgizedi, ushaq shtýrvalyna otyrady, qutqarýshynyń qorǵanys kıimin kıedi, naýqasqa jedel járdem berýge asyǵady, áskerı tehnıkany meńgeredi. Naǵyz batyrlar balalarymyz ben qart ata-analarymyzdyń dastarhany as-aýqat toly bolýy úshin aýylda tańmen talasa oıanady. Bizdiń batyrlar – óziniń jeke kásibin bastaıtyn, jumys oryndaryn ashatyn, qyzmetkerleri men olardyń otbasylaryna jańa múmkindikter týdyratyn kásipkerler», - dedi Qasym-Jomart Toqaev.
Sonymen qatar Memleket basshysy elimizdegi volonterler erekshe qurmetke ıe ekenin atap ótti.
«Bizdiń batyrlar – óziniń mahabbaty men kúsh-qýatyn, tájirıbesi men bilimin, múlki men qarajatyn qoǵamǵa rııasyz usynatyn eriktiler men ıgi is jasaıtyndar. Olardyń barlyǵy – halyqtyń maqtanyshy ári úmiti. Mine, osyndaı eńbek adamdary – elimiz ben memleketimizdiń tiregi», - dedi Prezıdent.
Budan buryn habarlanǵandaı, Qasym-Jomart Toqaev Ádiletti Qazaqstanda eńbek adamyna erekshe qurmet kórsetilýge tıis ekenin atap ótti.
Foto: t.me/bort_01
