Qasym-Jomart Toqaev elimizdegi zań ústemdigi týraly aıtty
NUR-SULTAN. QazAqparat - Ádildik - barlyq azamattardyń qyzmettik jaıy men áleýmettik mártebesine qaramastan zań aldynda teń bolýy. Pavlodar oblysynda qoǵamdyq ókilderimen kezdesý barysynda Memleket basshysy Qasym-Jomart Toqaev osylaı dedi, dep habarlaıdy QazAqparat.
Bul týraly feısbýk paraqshasynda Memleket basshysynyń baspasóz hatshysy Berik Ýálı jazdy.
Berik Ýálı búgin Qazaqstan Prezıdenti Qasym-Jomart Toqaev Pavlodar oblysynyń qoǵamdyq ókilderimen kezdesý barysynda sot jumystary men zań ústemdigin qamtamasyz etý máseleleri týraly sóz qozǵaǵanyn habardar etti.
«Ádildik - barlyq azamattardyń qyzmettik jaıy men áleýmettik mártebesine qaramastan zań aldynda teń bolýy. Zańnyń ústemdigi degen osy. Zań ústemdigi sottardyń isine aralaspaýdy qarastyrady. Alaıda jasalǵan quqyqbuzýshylyq boıynsha olardyń (sottardyń) sheshimderin keıde azamattar birtúrli jáne aqylǵa qonymsyz dep qabyldaıdy», - deıdi Memleket basshysy.
Eske sala ketsek, Qazaqstan Prezıdenti Qasym-Jomart Toqaev jumys saparymen búgin Pavlodar oblysyna kelgen bolatyn.
