Qasym-Jomart Toqaev Elbasynyń eren eńbegi týraly aıtty

NUR-SULTAN. QazAqparat -«Nur Otan» partııasynyń kezekten tys HІH sezinde QR Prezıdenti Qasym-Jomart Toqaev Elbasy Nursultan Nazarbaevtyń eldiń damýyna sińirgen eren eńbegi týraly aıtty, dep habarlaıdy QazAqparat tilshisi.

«Táýelsizdik jyldarynda Qazaqstan Elbasy basshylyǵymen kedeıshilikten, alasapyrannan turaqtylyq pen gúldenýge qaraı ilgerleýshilik jasady. Tuńǵysh Prezıdent, partııa Kóshbasshysy beıbitshilikti, tynyshtyqty, ulttyq birlikti jáne qoǵamdyq kelisimdi qamtamasyz etti», - dedi Q. Toqaev.

Onyń sózine qaraǵanda, bastapqy kezeńde álemdik saıasatkerler men sarapshylar Qazaqstanda quldyraý men kúızelisti boljaǵanymen, elimiz álemniń básekege qabiletti elderiniń sanatyna senimdi túrde endi.

«Elbasynyń kúsh-jigeri men kóshbasshylyǵynyń arqasynda jańa memleket qurylyp, jańa elordany saldyq. Elordada laıyqty túrde óziniń negizin qalaýshy ári bas sáýletshisiniń esimimen ataldy. Bizdiń Kóshbasshy tabystylyqqa ári barsha memlekettik jańǵyrtýǵa negizdelgen sapaly jańa ultty qalyptastyrdy», - dedi Qasym-Jomart Toqaev.