Qasym-Jomart Toqaev: Elbasy jahandyq deńgeıdegi saıası qaıratker retinde ulylyǵyn kórsetti
«Keshe naýryzdyń 19 kúni barsha álem jurtshylyǵy asa mańyzdy tarıhı oqıǵaǵa kýá boldy. Qazaq memlekettiliginiń negizin qalaýshy uly tulǵa, QR Tuńǵysh Prezıdenti Nursultan Ábishuly Nazarbaev óz erkimen Memleket basshysy ókilettigin tapsyrdy. Elbasynyń bul jigerli sheshimi - onyń jahandyq deńgeıdegi jáne tarıhı aǵymdaǵy saıası qaıratker retinde ulylyǵyn kórsetti», - dedi QR Parlamenti palatalarynyń birlesken otyrysynda Qasym-Jomart Toqaev.
Prezıdenttiń aıtýynsha, bizdiń qol jetkizgen jetistierimiz, eń aldymen Qazaqstan Respýblıkasynyń kıeli táýelsizdigi, Tuńǵysh Prezıdent Nursultan Ábishuly Nazarbaevtyń qajyrly eńbeginiń arqasynda múmkin boldy.
«Elbasy asa kúrdeli geosaıası jaǵdaıda jańa memlekettiń irgesin qalady jáne onyń kóshin bastady. Kóptegen teris boljamdarǵa qaramastan memleketti barsha álem moıyndaǵan, tabystarǵa jetkizdi. Dúnıejúzi kartasynda qarqyndy daý, demokratııa, kelisim men beıbit ómirdiń shynaıy sımvolyna aınalǵan memleket paıda boldy. Elbasy Qazaqstannyń tarıhynda tuńǵysh ret jańa memlekettik ınstıtýttardyń negizin saldy. Olardyń qatarynda Prezıdenttik ınstıtýtty, qos palataly Parlament, Memlekettik qyzmet, Qarýly kúshter, dıplomatııalyq qyzmet, sondaı-aq azamattyq qoǵam ınstıtýttary bar. 1995 jyly Ata zańymyz qabyldandy», - dedi Toqaev.