Qasym-Jomart Toqaev EQYU Parlamenttik Assambleıasy baıqaýshylar delegatsııasynyń basshysy Tonıno Pıtsýlany qabyldady
ASTANA. 31 naýryz. QazAqparat - Búgin Parlament Senatynyń Tóraǵasy Qasym-Jomart Toqaev Qazaqstan Respýblıkasyndaǵy kezekten tys Prezıdent saılaýyn baıqaý jónindegi EQYU-nyń qysqa merzimdi baıqaýshylary Mıssııasynyń Arnaıy úılestirýshisi, EQYU Parlamenttik Assambleıasy baıqaýshylar delegatsııasynyń basshysy Tonıno Pıtsýlany qabyldady.
EQYU PA baıqaýshylar delegatsııasyn qabyldaı otyryp, tóraǵa halyqaralyq qoǵamdastyq tarapynan prezıdent saılaýyna erekshe yqylas baıqalyp otyrǵanyn atap ótti. Saılaý monıtorıngine tek EQYU PA tarapynan 80-nen astam baıqaýshylar qatysady.
Oqıǵanyń Qazaqstan tarıhyndaǵy mańyzdylyǵyn atap óte kelip, Q.Toqaev «bul saılaý naýqany ashyq ári tolerantty jaǵdaıda ótedi jáne halyqaralyq negizgi erejeler men qaǵıdalarǵa sáıkes keledi», dedi.
«Prezıdenttikke tórt úmitkerdiń bári ózderiniń saılaýaldy naýqanyn shynaıy kórsetip jatqan buqaralyq aqparat quraldaryna birdeı qol jetkize alady»,-dedi tóraǵa jáne ol «qazaqstandyq bılik saılaý kezeńi móldir jáne ashyq ótý úshin bar múmkindikti jasaýǵa kúsh salýda», dep atap ótti. Q.Toqaev aldaǵy prezıdent saılaýy ádiletti jáne ádil ótetinine senim bildirdi.
T.Pıtsýla mıssııa prezıdent saılaýy monıtorıngin júrgizýdegi jaýapkershiligin tolyq uǵynatynyn jáne qazirgi kezde jumysqa kiriskenin atap ótti.
