Qasym-Jomart Toqaev Ekonomıkalyq yntymaqtastyq jáne damý uıymynyń forýmynda beıne úndeý jasady

NUR-SULTAN. QazAqparat - Búgin Qazaqstan Prezıdenti Qasym-Jomart Toqaev Ekonomıkalyq yntymaqtastyq jáne damý uıymy Konventsııasynyń qabyldanǵanyna 60 jyl tolýyna oraı EYDU-ǵa múshe memleket jáne úkimet basshylarynyń, EO men Kosta-Rıka basshylarynyń qatysýymen ótip jatqan onlaın forýmynda beıne úndeý jasady. Іs-shara 15 jeltoqsanǵa deıin jalǵasady. Bul týraly Prezıdenttiń baspasóz hatshysy Berik Ýálı jelidegi paraqshasynda jazdy.

Forýmdy Frantsııa prezıdenti Emmanýel Makron, Ispanııa Premer-mınıstri Pedro Sanches jáne EYDU bas hatshysy Anhel Gýrrııa birlesip ótkizip otyr. Іs-sharada álemdik ekonomıkanyń jaı-kúıi, uzaq merzimdi úrdister jáne EYDU-nyń «jaqsy ómir úshin jaqsy saıasat» ustanymyn qalyptastyrýǵa qosqan naqty úlesi qorytyndylanady.

Memleket basshysy óziniń beıne úndeýinde Qazaqstan men Ekonomıkalyq yntymaqtastyq jáne damý uıymy arasyndaǵy ózara is-qımyldyń negizgi baǵyttary men basymdyqtary jaıynda aıtty.