Qasym-Jomart Toqaev EAEO aıasynda onlaın saýda alańdaryn qurýdy usyndy
«Onlaın saýda memleketter arasyndaǵy shekarany «óshirip», dástúrli dúkenderdi naryqtan yǵystyryp jatyr. Bizge de ulttyq jáne odaqtyq saýda alańdaryn qurý kerek dep esepteımin. Halyqtyń onlaın saýdaǵa degen senimin arttyrý mańyzdy. Bul taýarlardyń qaýipsizdigimen baılanysty máselelerdi sheshýdi, tutynýshylardyń quqyqtaryn qorǵaýdy, sondaı-aq, salyqtar men kedendik bajdar tóleminiń tolymdylyǵyn qajet etedi. Sondyqtan elektrondyq saýdany damytý jónindegi komıssııa jumysynda osy máselelerdiń bárin eskerý tıimdi bolady dep topshylaımyn», - dedi Prezıdent.
Sóz sońynda Memleket basshysy Eýrazııalyq ekonomıkalyq odaq áriptes elderdiń ekonomıkasynyń daǵdarystan keıingi qalpyna keltiretin qýatty áleýetke ıe ekenine senim bildirdi.
QR Prezıdentiniń tóraǵalyǵymen ótip jatqan Joǵary eýrazııalyq ekonomıkalyq keńes tikeleı efırden kórsetilýde.
