Qasym-Jomart Toqaev Dýbaıdyń Halyqaralyq qarjy ortalyǵyna bardy
Qazaqstan Prezıdenti Birikken Arab Ámirlikterine resmı saparynyń ekinshi kúngi baǵdarlamasynyń aıasynda Dýbaıdyń Halyqaralyq qarjy ortalyǵyn (DIFC) aralap kórdi.
Dýbaıdyń Halyqaralyq qarjy ortalyǵynyń basqarma tóraǵasy Arıf Amırı Qasym-Jomart Toqaevqa arnaıy ekonomıkalyq aımaq jumysynyń prıntsıpteri, qajetti zańdyq, kommertsııalyq jáne basqa da ınfraqurylymdarmen qamtamasyz etý arqyly bıznes pen qarjy ınstıtýttary úshin tartymdy jaǵdaı jasaý jóninde aıtty.
Búginde Ortalyqqa zańdy túrde 2300-ge jýyq kompanııa tirkelgen. 2024 jylǵa qaraı olardyń Dýbaı Ámirliginiń jalpy ishki ónimine qosatyn úlesi shamamen 15 paıyz bolmaq.
Memleket basshysy «Astana» halyqaralyq qarjy ortalyǵy men Dýbaıdyń Halyqaralyq qarjy ortalyǵy arasynda tyǵyz yqpaldastyq ornatýdyń, Dýbaıdyń tabysty tájirıbesin «Astana» halyqaralyq qarjy ortalyǵynyń jumysyna paıdalanýdyń mańyzdylyǵyn atap ótti.
