Qasym-Jomart Toqaev: Demokratııa degen jeleýmen qoǵamǵa iritki salatyn áreketke jol berilmeıdi
«Qazir elimizde reformalar júrgizilip jatqanyn eshkim joqqa shyǵarmaıdy. Barlyq salada birtindep sapaly ózgeris bolyp jatyr. Munyń barlyǵy elimizdiń bolashaǵyna tikeleı áser etedi. Sondyqtan árbir reformany tııanaqty ári túpkilikti júzege asyrý asa mańyzdy. Eń bastysy qoǵamda jasampazdyq rýhy dáriptele berýi tıis. Ashyq pikirtalas jáne mazmundy dıalog qashanda bolýy kerek. Bul elimizdi odan ary órkendetý úshin qajet», - dedi Memleket basshysy.
Osy rette Prezıdent halqymyz «kelisip pishken ton kelte bolmas» dep beker aıtpaǵanyn eske saldy.
«Ádette másele jan-jaqty talqylansa, durys sheshimi tabylady. Biraq, demokratııa degen jeleýmen qoǵamǵa iritki salatyn áreketke jol berilmeıdi. Muny esten shyǵarmaǵan jón. «Plıýralızmge ashyq, radıkalızmnen qashyq bolýymyz kerek». Bizdiń saıasatymyzdyń basty ustanymy – osy», - dedi Qasym-Jomart Toqaev.