Qasym-Jomart Toqaev: Dárigerlerge jalaqy men syıaqy ýaqtyly tólenýi kerek
NUR-SULTAN. QazAqparat – Prezıdent Qasym-Jomart Toqaev dárigerlerge jalaqy men syıaqyny ýaqtyly tóleýdi tapsyrdy, dep habarlaıdy QazAqparat tilshisi.
«Dárigerler, medbıkeler qazir óte jaqsy jumys istep jatyr. Jumystary aýyr. Túsinemiz. Olarǵa taǵy da alǵysymdy aıtqym keledi. Olarǵa tolyǵymen jalaqylary men syıaqylaryn ýaqtyly tóleý kerek», - dep tapsyrdy Prezıdent Úkimet múshelerimen elordadaǵy blok-beketterdi aralaý kezinde.
Aıta ketsek, búgin Prezıdent Úkimet múshelerimen birge elordadaǵy blok-beketterdi aralap shyqty. QR Prezıdenti Teleradıokesheni jarııalaǵan vıdeoda Memleket basshysyna Nur-Sultan qalasynyń ákimi Altaı Kólginovtyń baıandama jasap jatqanyn kórýge bolady. Qazirgi ýaqytqa deıin Altaı Kólginov qalaǵa 3600-den astam avtokólik kirgenin jetkizdi.
