Qasym-Jomart Toqaev dańqty bapker Beket Mahmutovtyń otbasyna jáne týystaryna kóńil aıtty
NUR-SULTAN. QazAqparat - Qazaqstan Prezıdenti Qasym-Jomart Toqaev belgili sport qaıratkeri, dańqty bapker Beket Mahmutovtyń dúnıeden ótýine baılanysty onyń otbasyna jáne jaqyn týystaryna kóńil aıtý jedelhatyn joldady, dep habarlaıdy Memleket basshysynyń baspasóz hatshysy Berik Ýálı Facebook-tegi paraqshasynda.
«Beket Sapabekuly uzaq jyldar boıy elimizde sport salasyn órkendetý jolynda eseli eńbek etip, qurmetke bólengen edi. Ásirese, qazaq sportyn joǵary deńgeıge kótergen bilikti bapker retinde esimi el tarıhynda qalatyny anyq. Salmaqty da sabyrly minezimen óz ortasyna syıly boldy. Marqumnyń jany jánnatta, ımany salamat bolsyn», – delingen jedelhatta.
Sóz sońynda Memleket basshysy onyń esimi men jarqyn beınesi halqymyzdyń júreginde máńgi saqtalatynyna senim bildirdi.
