Qasym-Jomart Toqaev: Bıýdjettik erejege kóshýdi jedeldetý kerek
«Sońǵy kezde memlekettik shyǵys mindettemelerin jabý úshin bıýdjet tapshylyǵy men Ulttyq qordan alynatyn transferttiń artý tendentsııasy baıqalýda. Únemi mundaı jeńil jolmen júrý múmkin emes. Qarjylyq turaqtylyq qory sheksiz emes. Bıýdjettiń kirisin arttyrý boıynsha sharalar qajet ekeni anyq. Biraq birinshi kezekte memlekettik shyǵyndardyń kólemi men tıimdiligine baqylaý kerek. Ulttyq qor aktıvterin qalpyna keltirý úshin bıýdjettik erejeni engizýdi jedeldetý kerek. Tıisti zańnamalyq túzetýler jyldyń sońyna deıin qabyldanýy qajet», - dedi Prezıdent.
Eske salsaq, Memleket basshysy Qasym-Jomart Toqaev Qazaqstan halqyna Joldaýyn QR Parlamenti palatalarynyń birlesken otyrysynda jarııalaýda.
Parlament úıinde ótip jatqan is-shara respýblıkalyq barlyq telearnadan tikeleı efırde kórsetilip jatyr. Búgingi jıynǵa Parlament palatalarynyń depýtattary qatysyp otyr. Palata otyrysyna depýtattyq korpýstan bólek, QR Premer-Mınıstri Asqar Mamın bastaǵan Úkimet músheleri tolyq quramda qatysýda. Sonymen qatar, Konstıtýtsııalyq Keńes pen QR Joǵarǵy sotynyń tóraǵalary men músheleri, QR Prezıdentine tikeleı esep beretin jáne baǵynatyn organ basshylary, ulttyq kompanııalar men memlekettik uıymdar basshylary da otyrysqa kelgen.
