Qasym-Jomart Toqaev: Búgin óte mańyzdy tarıhı kún

ASTANA. QazAqparat – Prezıdenttikten úmitker Qasym-Jomart Toqaev Astanadaǵy Oqýshylar saraıynda ornalasqan №59 saılaý ýchaskesinde daýys berip, bul kúndi óte mańyzdy tarıhı kún dep atady, dep habarlaıdy QazAqparat tilshisi.

«Eń aldymen, barshańyzdy quttyqtaımyn. Búgin óte mańyzdy tarıhı kún. Elimiz óz jarqyn bolashaǵy úshin belsendi túrde daýys berip jatyr. Bári durys bolady dep oılaımyn.

Shyn máninde bul jyl ońaı bolǵan joq. Biraq halqymyz jumylyp, qıyndyqtardy eńserdi. Endi aldymyzda turǵan óte aýqymdy mindetter, maqsattar bar», - dedi Prezıdent daýys bergennen keıin BAQ ókilderine bergen suhbatynda.

Atalǵan saılaý ýchaskesiniń tóraǵasy Qymbat Muqanovanyń aıtýynsha, ýchaskede 2627 adam tirkelgen. Dál qazirgi ýaqytta 209 saılaýshy daýys berip úlgerdi.

Qasym-Jomart Toqaevtyń kandıdatýrasyn birneshe saıası partııa men respýblıkalyq qoǵamdyq birlestik halyqtyq koalıtsııa retinde usyndy. Ortalyq saılaý komıssııasy Qasym-Jomart Toqaevti 12 qazanda úmitker retinde tirkedi.

Q. Toqaevty qoldaý jónindegi Respýblıkalyq qoǵamdyq shtab ókilderi elimizdiń barlyq óńirlerin aralap shyqty.

Foto:t.me/bort_01