Qasym-Jomart Toqaev «Bloomberg» halyqaralyq aqparat agenttigine suhbat berdi

NUR-SULTAN. QazAqparat - Memleket basshysy Qasym-Jomart Toqaev «Aqorda» rezıdentsııasynda «Bloomberg» Halyqaralyq aqparat agenttigine suhbat berdi. Bul týraly QR Prezıdentiniń baspasóz hatshysy Berik Ýálı Facebook-tegi paraqshasynda jazdy, dep habarlaıdy QazAqparat.

«Qasym-Jomart Toqaev elimizdiń aldaǵy damýy týraly kózqarastarymen bólisti. Áleýmettik, qarjy-ekonomıkalyq jáne ınvestıtsııalyq máseleler boıynsha birqatar suraqqa jaýap berdi. Suhbattyń deni Qazaqstannyń syrtqy saıasatyna, aımaqtyq kún tártibine jáne AQSh-pen ekijaqty ózara is-qımyldarǵa arnaldy», - dep jazady Berik Ýálı.

«Bloomberg» agenttigi - iskerlik álemde qarjylyq málimetter men saraptamalyq materıaldardy taratý boıynsha kópshilik moıyndaǵan kóshbasshy. Suhbattyń beınejazbasy «BloombergTelevision» telearnasynan kórsetiledi jáne «Bloomberg» termınaldary arqyly da tanysýǵa bolady. Sondaı-aq, aptalyq aýdıtorııasy 4 mıllıon bolatyn www.bloomberg.com saıtyna da ornalystyrylady.