Qasym-Jomart Toqaev birqatar ІT kompanııa basshylarymen kezdesti
Memleket basshysy «Digital Bridge» halyqaralyq tehnologııalyq forýmy aıasynda halyqaralyq IT kompanııalardyń basshylarymen birqatar kezdesý ótkizdi.
Qasym-Jomart Toqaev pen Samsung Electronics kompanııasynyń korporatıvti prezıdenti In Iong Rı IT mamandardy daıarlaý, birlesken ǵylymı-zertteý jumystaryn júrgizý jáne ǵylym salasynda yntymaqtastyq ornatý múmkindikterin qarastyrdy.
Arsen Tomskıı Memleket basshysyna Qazaqstandaǵy kólik qyzmeti salasyndaǵy eń tanymal mobıldi qosymshalardyń biri inDriver-diń qyzmetin damytýdyń perspektıvalary týraly aıtty. Kompanııa basshysynyń aıtýynsha, Astana men Almatyda eki keńse ashylǵan. Sonymen qatar inDriver Astana Hub rezıdenti atandy. Arsen Tomskıı Spark tsıfrlyq ýnıversıtetin qurý jáne jastardy qoldaýǵa baǵyttalǵan birqatar kommertsııalyq emes jobany júzege asyrý josparlaryn jetkizdi.
G42 kompanııasynyń dırektory Mansýr Ibragım ál-Mansýrımen kezdesýde aqparattyq tehnologııalar men tsıfrlyq qaýipsizdik salasyndaǵy yntymaqtastyqty keńeıtýge basa nazar aýdaryldy. Qasym-Jomart Toqaev G42 jasandy ıntellekt, cloud ınfraqurylymy jáne Big Data salalarynda birlesken jobalardy júzege asyrý josparlary týraly málimetter aldy. Memleket basshysy jasandy ıntellekt pen IT salasyndaǵy adamı kapıtaldy damytý elimiz úshin strategııalyq mańyzy bar másele ekenin atap ótti.
Bharti Enterprises jáne OneWeb quryltaıshysy ári tóraǵasy Sýnıl Bartı Mıttalmen kezdesýde shalǵaı eldi mekenderdi ınternetpen qamtý úshin tómen orbıtaly spýtnıkterdi jáne jerústi stantsııalar jelisin paıdalaný máseleleri talqylandy.
Foto: akorda.kz
