Qasym-Jomart Toqaev bılikti monopolııalaýǵa jol bermeıtin tetikterdi atady

ASTANA. QazAqparat – Kezekten tys prezıdent saılaýynda Qasym-Jomart Toqaevtyń kandıdatýrasyn qoldaý jónindegi halyqtyq koalıtsııa forýmynda sóılegen sózinde Memleket basshysy bılikti monopolııalaýǵa jol bermeıtin tetikterdi atady, dep habarlaıdy QazAqparat tilshisi.

«Bizdi kóptegen qıyndyqtar men qaterler kútip tur. Biraq, biz betke alǵan baǵyttan aınymaımyz. Ádil jáne tıimdi memleket quryp, barlyǵyna teń múmkindikterdi qamtamasyz etýimiz kerek. Osynaý aýqymdy dep aıtýǵa keletin maqsattarǵa jetý úshin saıası júıeni qaıta bastaý kerek», - dedi Memleket basshysy.

Prezıdent ózi úshin Otanǵa qyzmet etýden asqan uly mıssııa joq ekenin atap ótti.

«Men qolyna bılik berilgen saıasatkerler memleket múddesi úshin asa mańyzdy máselelerdi sheshý kezinde erik-jiger tanyta bilý kerek degen ıdeıany berik ustanamyn. Jaýapkershilikti sezinetin saıasatker árdaıym utqyr oılap, ıkemdi ári nyq qadamdar jasaıdy. Naǵyz patrıot eshqashan kópshilik aldynda kózaldaý jasamaıdy, qaýip órship kele jatqan tusta ult birligin kóbirek oılaıdy.

Meni halyq pen memlekettiń uzaq merzimdegi múddesin qamtamasyz etsem degen nıet jeteleıdi. Men úshin Otanǵa qyzmet etýden asqan qurmetti de jaýapty mıssııa joq. Bıliktiń aýyspalylyǵyna berilgen kepildik ony monopolııalap alýǵa degen talpynystardyń bárine pármendi tosqaýyl bolady», - dedi Qasym-Jomart Toqaev.