Qasym-Jomart Toqaev Belarýs Prezıdentiniń qabyldaýynda boldy
Senat Tóraǵasy Belarýs basshysyna Prezıdent Nursultan Nazarbaevtyń sálemi men eń izgi tilektestigin jetkizdi. Q. Toqaev eki eldiń memleket basshylarynyń senimdi qatynastarynyń arqasynda Qazaqstan men Belarýstiń ózara qarym-qatynastary strategııalyq deńgeıge kóterilgenin atap ótti.
Parlamenttiń joǵarǵy Palatasynyń basshysy álemdik saıasatta bolyp jatqan úrdisterge eki el kózqarastarynyń jaqyn ekenine toqtaldy. Q.Toqaevtyń aıtýynsha, bul bizge BUU, EQYU jáne basqa da halyqaralyq uıymdar aıasynda nátıjeli yntymaqtasýǵa, túrli halyqaralyq alańdarda ózara qoldaý men kúsh-jigerdi úılestirýge múmkindik beredi. Búginde yqpaldastyq birlestikteriniń aıasynda tyǵyz ári tabysty qarym-qatynas qalyptasyp otyr.
Senat Tóraǵasy búgingi kúngi eń ótkir geosaıası teketiresterdi retteýdegi - ýkraın jáne sırııalyq shıelenisterdegi Mınsk men Astananyń mámilegerlik mańyzdy rólderin atap ótti. Onyń pikirinshe, bul bizdiń elderimizdiń halyqaralyq qatynastardy turaqty damý arnasyna túsirýge shynaıy múddeli bolýynan týyndap otyr.
Júzdesýshiler Eýropadaǵy qaýipsizdik jáne yntymaqtastyq jónindegi Mıýnhen konferentsııasy Negizgi toptarynyń Mınskide ótip jatqan otyrysynyń kún tártibi boıynsha pikir almasty. Q.Toqaev onda belarýs memleketi basshysynyń sózin atap ótti, onyń aıtýynsha, forýmnyń basqa qatysýshylary da ony baǵalap otyr.
«Іskerlik turǵysyndaǵy ashyq áńgime boldy ári halyqaralyq jáne eýropalyq qoǵamdastyqtyń atyna da óte salmaqty ısharatqa toly deýge bolady», - dedi Senat basshysy.
Q.Toqaevtyń pikirinshe, qatysýshylardyń ókiletti quramy men sharada talqylanatyn máselelerdiń aýqymy Belarýstiń álemdik kúrdeli máselelerdiń sheshimin izdestirý úshin moıyndalǵan alańǵa aınalyp kele jatqanyn kórsetedi.
1 qarashada Q. Toqaev Mıýnhen konferentsııasy Negizgi toptarynyń Mınskide ótip jatqan kezdesýine qatysty. Aımaqtyq qaýipsizdiktiń keskin-kelbeti sharaǵa qatysýshylardyń daǵdyly nazarynda boldy. Belarýs astanasyndaǵy pikirsaıysta Shyǵys-Batys arasyndaǵy ózara qarym-qatynastar, aımaqtyq teketirester, Shyǵys Eýropadaǵy ekonomıkalyq jaǵdaı, sondaı-aq energetıkalyq jáne transulttyq qaýipsizdiktiń ózekti máseleleri qamtyldy. Forýmda memleketter men úkimetterdiń basshylary, parlamentter tóraǵalary, halyqaralyq uıymdardyń jetekshileri, yqpaldy qoǵam qaıratkerleri men taldaý ortalyqtarynyń ókilderi sóz aldy.
Q.Toqaev Mınsk protsesteri men Shyǵys pen Batystyń ózara qarym-qatynastaryna arnalǵan taqyryptyq sessııalarǵa qatysty. Qazaqstan delegatsııasynyń basshysy konferentsııa aıasynda Armenııa Prezıdenti Armen Sarkısıanmen kezdesti.
Áńgime barysynda ekijaqty kún tártibindegi máseleler qaraldy. Q.Toqaev pen A.Sarkısıan saıası jáne saýda-ekonomıkalyq salalardaǵy yntymaqtastyqty keńeıtýge yqylas bildirdi. Qazaqstan Senatynyń Tóraǵasy Qasym-Jomart Toqaev pen Belarýs Ulttyq jınalysy Respýblıka Keńesiniń Tóraǵasy Mıhaıl Mıasnıkovıchtiń Innovatsııalyq saladaǵy yntymaqtastyqty damytý jónindegi kishi komıssııa qurý týraly hattamaǵa qol qoıýy parlamenttik quram saparynyń qorytyndysy boldy. Eki memleket parlamentteri joǵarǵy palatalar tóraǵalarynyń aldyndaǵy kelissózinde osy másele boıynsha ýaǵdalastyqqa qol jetken bolatyn. Bul arnadaǵy ózara is-qımyl parlamentaralyq únqatysýda jańa múmkindikterdi ashady jáne birlesken jobalardy iske asyrý men qazirgi zamanǵy tehnologııalardy ilgeriletýdi zańnamalyq turǵyda qamtamasyz etýge baılanysty oń nátıje beretin bolady.
Qol qoıý saltanatynyń sońynda Q.Toqaev «Biz úkimetterdi de, úkimettik emestermen qosa basqa da uıymdardy dál osy salada ózara tyǵyz is-qımyl jasaýǵa yntalandyrýdy óz mindetimiz retinde kórip otyrmyz. Belarýs ekonomıkasy ornyqty qarqynmen damyp keledi jáne Qazaqstan bir jaǵynan Belarýs tájirıbesin zerdeleýge, al ekinshi jaǵynan osy salada ózara is-qımylǵa múddeli bolyp otyr», - dedi.
