Qasym-Jomart Toqaev bastaǵan bir top qazaqstandyq depýtattar BUU Bas Hatshysy Pan Gı Mýnmen kezdesti

dep habarlaıdy Senattyń baspasóz qyzmeti.

Joǵary mártebeli meımanmen kezdesý barysynda Q.Toqaev Semeı polıgonynda, Kýrchatov qalasynda bolýyna jáne jahandyq qarýsyzdaný úderisteri men ıadrolyq qarýdy taratpaý tártibin nyǵaıtýdaǵy Qazaqstannyń róli týraly mańyzdy málimdemesine oraı rızashylyq bildirdi.

«Sizdiń saparyńyzdy qazaqstandyqtar rızashylyqpen eske alatyn bolady»,-dedi tóraǵa jáne ol Qazaqstan Birikken Ulttar Uıymynyń saıasatyn jan-jaqty qoldaıtynyn atap ótti.

BUU Bas hatshysy Pan Gı Mýn qarýdy taratpaý jáne ıadrolyq qaýipti azaıtý salasyndaǵy Qazaqstannyń belsendi róli, osy sala boıynsha bekitilgen halyqaralyq kelisimderdi bizdiń memleketimiz qatań saqtaıtyny Birikken Ulttar Uıymynda keńinen tanymal ekenin atap ótti. Ol Qazaqstannyń álemdik saıasattaǵy ózekti máselelerge teńgerimdi jáne naqtyly qadamdary Bas Assambleıada jaqsy belgili ekenin, al elimizdiń Prezıdenti Nursultan Nazarbaevtyń bastamalary men is-qımyly osynaý halyqaralyq uıym tarapynan túsinistik pen qoldaý taýyp otyrǵanyn atap ótti.

«Biz ıadrolyq qarýdan bas tartý jónindegi Qazaqstannyń dana jáne batyl sheshimin joǵary baǵalaımyz, 29 tamyzdy BUU ıAdrolyq synaqtarǵa qarsy is-qımyldyń halyqaralyq kúni retinde jarııalaı otyryp osy tarıhı oqıǵany atap ótti»,-dedi Pan Gı Mýn. Aldaǵy sáýirdiń ortasynda ıadrolyq qaýipsizdik jónindegi jahandyq sammıtke Qazaqstan men AQSh basshylarynyń qatysýy búkil álemdegi ıadrolyq qaýiptiń azaıtý isine qomaqty úles bolatynyn atap ótti.

Ol sondaı-aq halyqaralyq quqyqtyń negizgi qaǵıdalary men kedeıshilikpen kúreske, ekonomıkalyq jáne saıası reformalardy ilgeriletýge, aımaqtyq ıntegratsııa men yntymaqtastyqty damytýǵa baǵyttalǵan Memleket basshysynyń mańyzdy bastamalaryn zańnamalyq turǵyda qamtamasyz etý jónindegi qazaqstandyq parlamentshilerdiń qyzmetin joǵary baǵalady.

Kezdesý sońynda Qasym-Jomart Toqaev jer júzindegi qaýipsizdikti qamtamasyz etý jónindegi Pan Gı Mýnnyń qyzmetine rızashylyq bildirdi jáne BUU Bas Assambleıasynyń ókilderine aldaǵy mamyrda ótetin Transazııalyq parlamenttik jıynǵa qatysýǵa shaqyrdy.