Qasym-Jomart Toqaev: Bas prokýror azamattardyń quqyqtaryn qamtamasyz etý úshin jedel sharalar qabyldasyn
NUR-SULTAN. QazAqparat - Qazaqstan Prezıdenti Bas prokýror Ǵızat Nurdáýletovti qabyldady, dep habarlaıdy Aqordanyń baspasóz qyzmeti.
Kezdesý barysynda Memleket basshysyna elimizdegi zań men quqyq tártibiniń saqtalýy jóninde aqparat berildi.
Qazaqstan Prezıdenti Bas prokýrorǵa azamattardyń zańdy quqyqtaryn qamtamasyz etý jóninde tez arada sharalar qabyldaýdy tapsyrdy.
- Ustalǵan tulǵalardyń naqty sany men olardyń kinálarynyń deńgeıin anyqtaý qajet. Narazylyq ornynda kezdeısoq bolǵan kinásiz azamattar men tulǵalardy bosatý kerek, - dedi Qasym-Jomart Toqaev.
