Qasym-Jomart Toqaev bankte problemalyq qaryzy bar azamattardyń máselesin sheshýdi tapsyrdy
NUR-SULTAN. QazAqparat – Memleket basshysy Qasym-Jomart Toqaev Qazaqstanda kelesi jyldan bastap mıkroqarjylyq uıymdardy lıtsenzııalaý júıesi engiziletinin málim etti, dep habarlaıdy QazAqparat tilshisi.
«Halyqtyń tabysy azaıyp bara jatqan ýaqytta tutynýshylyq nesıe naryǵynyń jaǵdaıyna monıtorıng júrgizýdiń mańyzy zor. Azamattardyń qaryz boıynsha júktemesiniń kóbeıip ketýine jol bermeý kerek. Qarjy naryǵyn retteý boıynsha agenttik problemalyq qaryzy bar qaryz alýshylardyń ońaltý múmkindikterin qarastyrýy kerek. Sonymen qatar qaryz alýshy men ónimniń tıpine qaraı syıaqy stavkasyn esepteý amaldaryn qaıta qarastyrǵan abzal», - dedi Prezıdent tótenshe jaǵdaıdy qamtamasyz etý boıynsha memlekettik komıssııa otyrysynda.
Memleket basshysy, sonymen qatar, azamattardyń múddesin qorǵaý úshin banktik emes, nesıelik uıymdardy baqylaý jumysy kúsheıetinin málim etti. Al kelesi jyldan bastap mıkroqarjylyq uıymdardy lıtsenzııalaý júıesi engizilmek.
