Qasym-Jomart Toqaev: BAQ-tyń róli men qoǵam aldyndaǵy jaýapkershiligi artyp keledi
NUR-SULTAN. QazAqparat - Memleket basshysy Qasym-Jomart Toqaev buqaralyq aqparat quraldary ókilderiniń kásibı merekesiniń qarsańynda Qazaqstan Medıa Alıansynyń basqarma tóraǵasy A.Baıtasovty qabyldady. Bul týraly Qazaqstan Prezıdenti óziniń twitter-degi paraqshasynda jazdy.
«Buqaralyq aqparat quraldary ókilderiniń kásibı merekesiniń qarsańynda Qazaqstan Medıa Alıansynyń basqarma tóraǵasy A.Baıtasovty qabyldadym. Áleýmettik-saıası ózgerister jaǵdaıynda BAQ-tyń róli men qoǵam aldyndaǵy jaýapkershiligi artyp keledi»,-dep jazdy Memleket basshysy Qasym-Jomart Toqaev.
Aıta keteıik, búgin Qazaqstan Úkimeti qazaqstandyq jýrnalısterdiń kásibı merekesin bekitti.
