Qasym-Jomart Toqaev BAÁ Federaldy ulttyq keńesiniń tóraıymymen telefon arqyly sóılesti
NUR-SULTAN. QazAqparat - Memleket basshysy Qasym-Jomart Toqaev Birikken Arab Ámirlikteri Federaldy ulttyq keńesiniń tóraıymy Amal ál-Kýbeısımen telefon arqyly sóılesti, dep habarlaıdy Aqorda.
Áńgimelesý barysynda BAÁ Federaldy ulttyq keńesiniń tóraıymy Amal ál-Kýbeısı Qasym-Jomart Toqaevty Qazaqstan Respýblıkasynyń Prezıdenti laýazymyna kirisýimen quttyqtap, joǵary memlekettik qyzmetine tabys tiledi.
Qasym-Jomart Toqaev Amal ál-Kýbeısıge quttyqtaǵany úshin rızashylyq aıtyp, Qazaqstan men Ámirlikter arasyndaǵy dostyq qatynastar eki el ıgiligi jolynda odan ári nyǵaıa túsetinine senim bildirdi.
Telefon arqyly sóılesýge Birikken Arab Ámirlikteri jaǵy bastamashy boldy.
