Qasym-Jomart Toqaev «Azııa alyby» halyqaralyq ádebı syılyǵyn taǵaıyndaýdy usyndy

NUR-SULTAN. QazAqparat – Prezıdent Qasym-Jomart Toqaev Azııa alyby ádebı syılyǵyn taǵaıyndaýdy usyndy, dep habarlaıdy QazAqparat tilshisi.  

«Aldymen, Azııa qalamgerleri forýmy shyǵarmashylyq qaýymnyń mańyzdy dıalog alańyna aınalýy kerek. Bul mańyzdy shara Azııa elderinde qýatty túrde ótýi qajet dep sanaımyn. Adamzatty tolǵandyrǵan kúrdeli máseleler dál osyndaı alańdarda ortaǵa salynýy tıis. Azııany búkil álemdik rýhanı damý ortalyǵy retinde damytý aıryqsha mańyzdy. Sondyqtan, ádebı úderisterdi jańǵyrtý úshin jaǵdaı jasaý basty mindetterdiń biri. Osy maqsatta Azııa alyby ádebı syılyǵyn taǵaıyndaǵan jón. Álemdegi áıgili syılyqtar sekildi bul marapattyń da bedelin arttyrýǵa kúsh salýymyz kerek», - dedi Prezıdent Qasym-Jomart Toqaev Azııa qalamgerleriniń І forýmynda.

Eske salsaq, elordada Azııa qalamgerleriniń І forýmy ótip jatyr. Oǵan ádebıet boıynsha Nobel syılyǵynyń 3 nomınaty qatysýda.

Forým barysynda ádebıet boıynsha Nobel syılyǵynyń qurlyqtyq balamasyn taǵaıyndaý usynylmaq.