Qasym-Jomart Toqaev Ázerbaıjan Prezıdentin «Altyn Qyran» ordenimen marapattady

BAKÝ. QazAqparat – Qazaqstan Prezıdenti Qasym-Jomart Toqaev Ázerbaıjan memleketiniń basshysyn «Altyn Qyran» ordenimen nagradtaý týraly Jarlyqqa qol qoıdy. QazAqparat bul týraly Aqordanyń baspasóz qyzmetine silteme jasap habarlaıdy.

Memleket basshysy Qasym-Jomart Toqaev Qazaqstan Respýblıkasy men Ázerbaıjan Respýblıkasy arasyndaǵy ekijaqty saıası, ekonomıkalyq jáne mádenı qatynastardy nyǵaıtýǵa jáne damytýǵa qosqan aıryqsha úlesi úshin Ázerbaıjan Respýblıkasynyń Prezıdenti Ilham Alıevti «Altyn Qyran» ordenimen nagradtaý týraly Jarlyqqa qol qoıdy.

Jarlyqtyń tolyq mátini

* * *

I.G. Alıevti «Altyn Qyran» ordenimen nagradtaý týraly

2022 jylǵy 24 tamyz

QAÝLY ETEMІN:

1. Qazaqstan Respýblıkasy men Ázerbaıjan Respýblıkasy arasyndaǵy ekijaqty saıası, ekonomıkalyq jáne mádenı qatynastardy nyǵaıtýǵa jáne damytýǵa qosqan aıryqsha úlesi úshin Ázerbaıjan Respýblıkasynyń Prezıdenti Ilham Geıdar ogly Alıev «Altyn Qyran» ordenimen nagradtalsyn.

2. Osy Jarlyq qol qoıylǵan kúninen bastap qoldanysqa engiziledi.

Qazaqstan Respýblıkasynyń

Prezıdenti Q.Toqaev

Nur-Sultan, Aqorda, 2022 jylǵy 23 tamyz

№ 989

Foto: akorda.kz