Qasym-Jomart Toqaev aýyl men qala medıtsınasyndaǵy alshaqtyqqa alańdaýshylyq tanytty

NUR-SULTAN. QazAqparat - Úkimet aýyldyq densaýlyq saqtaýdyń tıimdi modelin qurý boıynsha sharalardyń oryndalýyn qatań baqylaýǵa alýy tıis. Bul týraly Ulttyq qoǵamdyq senim keńesiniń 3-otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Qordalanyp qalǵan taǵy bir problema - kómek qoljetimdiligi deńgeıiniń óńiraralyq alshaqtyǵy. Infraqurylymdyq aıyrmashylyqtan bólek, qala men aýyldarda kadrlarmen qamtamasyz etýde aıtarlyqtaı teńgerimsizdik bar. Tolyqtaı alǵanda sharalar bar, olar ázirlengen. Endi olardy júzege asyrý mańyzdy. Úkimet aýyldyq densaýlyq saqtaýdyń tıimdi modelin qurý boıynsha sharalardyń oryndalýyn qatań baqylaýǵa alýy tıis», - dedi Memleket basshysy.

QR Prezıdenti densaýlyq saqtaý salasynda tsıfrlandyrý protsesterin jedeldetý jáne tıimdiligin arttyrý qajettigine de basa nazar aýdartty.

«Medıtsınalyq qujattardy qaǵazsyz júrgizýdi engizý qajet. Densaýlyq saqtaýdy damytýdyń memlekettik baǵdarlamasy aıasynda densaýlyq saqtaýdyń biryńǵaı tsıfrlyq keńistigin qurý josparlanǵan. Medıtsınalyq uıymdardyń 90 paıyzy platformaǵa yqpaldastyrylatyn bolady. E lektrondy d ensaýlyq tólqujaty engizildi. Medıtsınalyq aqparattardy saqtaýdyń biryńǵaı bazasy quryldy. Bul - jumys jospary desek te bolady. Biraq, ony sózsiz júzege asyrý qajet. Densaýlyq saqtaý júıesine bilikti ІT-mamandardy tartý, otandyq ázirleme jasaýshylardyń áleýetin medıtsınalyq aqparattyq júıege jumyldyrý mańyzdy», - dep atap ótti Qasym-Jomart Toqaev.