Qasym-Jomart Toqaev aýyl halqynyń tabysyn arttyrý joldaryn atady
«Aýyldy jerlerde tabys pen turmys sapasyn arttyrý máselelerin erekshe baqylaýda ustaý qajet. Úkimet aýyldyq aýmaqtardy damytýdyń 2023-2027 jyldarǵa arnalǵan tujyrymdamasyn ázirledi. Ákimder ony tıimdi iske asyrý úshin sharalar qabyldaýy tıis.
Árbir aýdan, monoqala jáne qala deńgeıinde qolaıly ınvestıtsııalyq ahýal men «ósim kózderin» qurý úshin olardyń básekelestik artyqshylyqtaryn anyqtap, salalyq basymdyqtardy tańdaý qajet», - dedi Memleket basshysy.
Sondaı-aq, Prezıdent aýyl turǵyndarynyń tabysyn arttyrý úshin jekelegen óńirlerdiń tabysty tájirıbesin eskerý kerektigin taǵy eske saldy.
«Eń shalǵaıdaǵy aýyldyq okrýgterge mıkrokredıt berý jáne jeke qosalqy sharýashylyqtarǵa kepildik berý, servıstik-ótkizý kooperatıvterin yntalandyrý sııaqty memlekettik qoldaý quraldary týraly aqparatty jetkizý mańyzdy», - dedi Qasym-Jomart Toqaev.
Aıta keteıik, Úkimet úıinde Prezıdent tóraǵalyǵymen eldiń áleýmettik-ekonomıkalyq damý máseleleri jóninde keńes ótip jatyr.
