Qasym-Jomart Toqaev Aýǵanstan Prezıdentine kóńil aıtý jedelhatyn joldady
NUR-SULTAN. QazAqparat - Memleket basshysy Qasym-Jomart Toqaev Aýǵanstan Prezıdenti Mohammad Ashraf Ǵanıǵa kóńil aıtý jedelhatyn joldady, dep habarlaıdy QazAqparat Aqordaǵa silteme jasap.
Qasym-Jomart Toqaev Qabyl ýnıversıtetinde jasalǵan jantúrshigerlik lańkestik shabýyl saldarynan kóptegen azamattyń jazyqsyz qaza tapqany týraly sýyt habardy tereń kúızelispen qabyldady.
– Osyndaı qaraly sátte orny tolmas qaıǵylaryńyzǵa ortaqtasyp, jaqyndarynan aıyrylǵan otbasylar men barsha Aýǵanstan halqyna qazaqstandyqtardyń jáne óz atymnan kóńil aıtamyn, – delingen jedelhatta.
Qazaqstan Prezıdenti qasiretti oqıǵada zardap shekken adamdardyń tez arada saýyǵyp ketýine tilektestik bildirdi.
