Qasym-Jomart Toqaev astanadaǵy ekologııalyq aktsııaǵa qalaı qatysty. Vıdeo
NUR-SULTAN. QazAqparat – Memleket basshysy Qasym-Jomart Toqaevtyń elordadaǵy ekologııalyq senbilikke qatysqany týraly vıdeo jarııalandy, dep habarlaıdy QazAqparat.
Qazaqstan Prezıdenti jurtshylyqpen birge Botanıkalyq baqta aǵash otyrǵyzdy. Aktsııaǵa qatysýshylar arasynda jastardy, el sportshylaryn, memleket jáne qala bıligi organdarynyń basshylaryn kórýge bolady.
Birge atqarylǵan ıgi isten keıin Q.Toqaev halyqpen suhbat quryp, fotoǵa tústi.
Aqordanyń baspasóz qyzmetinen málim etkendeı, aktsııa barysynda 300 kóshet otyrǵyzyldy. Jalpy búgin elorda kósheleri men saıabaqtarynda 5 myń aǵash egiletin bolady.
Aıta keteıik, Botanıkalyq baq 2018 jyly elordanyń 20 jyldyǵy qarsańynda qurylǵan bolatyn. Ol bıylǵy sáýir aıynan bastap kelýshilerge esigin aıqara ashty. Baqtyń jalpy aýmaǵy 90 gektar, onda 90 myńǵa jýyq aǵash pen kóshetter, 600-den astam kollektsııalyq ósimdik otyrǵyzylǵan.
Elordanyń jańa mádenı nysanynda sırek kezdesetin ósimdikterdiń oranjereıasy, jaıaý júrginshilerge arnalǵan kópiri bar jasandy sý aıdyny, velojolaq jáne júgirýge arnalǵan jolaqtar bar. Baqtyń janynda 141 myń sharshy metr aýmaqqa jasyl jelek otyrǵyzylǵan saıabaq ornalasqan. Munda 10 myń aǵash egilgen.
