Qasym-Jomart Toqaev «Assambleıanyń qajeti joq» degen paıymdarǵa pikir bildirdi
«Ár azamat birlikti nyǵaıtý úshin qyzmet etýi kerek. Bul qyzmet eshqashan toqtamaıdy, úzdiksiz jalǵasa beredi. Óıtkeni birlik bolsa ǵana, tirlik bolady. Biz osy myzǵymas qaǵıdaǵa árdaıym adal bolýymyz kerek. Tatýlyq pen kelisimniń erekshe mańyzdy ekenin jurttyń bári birdeı sezinbeýi múmkin. Sol sebepti keıde «Assambleıanyń qajeti joq» degen ushqary, ıaǵnı kúmándi pikirler aıtylyp jatady. Shyn máninde, Assambleıa – memlekettiligimizdiń irgesin bekitip turǵan basty ınstıtýt», - dedi Prezıdent.
Memleket basshysy Qazaqstan halqy Assambleıasy – birligimizdi nyǵaıtýǵa qyzmet etetin biregeı qurylym ekenin atap ótti.
«Assambleıa qasıetti qazaq jerin meken etken barsha etnosty uıystyryp otyr. Onda eńbek etip júrgen azamattardy birliktiń elshisi deýge bolady», - dedi Qasym-Jomart Toqaev.
Aıta keteıik, Prezıdent Qasym-Jomart Toqaevtyń qatysýymen Qazaqstan halqy Assambleıasynyń HHHІІ sessııasy ótip jatyr.
