Qasym-Jomart Toqaev Arys qalasyn aralady

NUR-SULTAN. QazAqparat - Memleket basshysy Arys qalasyn aralap shyqty, dep habarlaıdy QazAqparat Aqordanyń baspasóz qyzmetine silteme jasap.

Baspasóz málimetterine qaraǵanda, qalany aınalyp shyǵý barysynda Qasym-Jomart Toqaev oq-dári qoımasyndaǵy jarylys saldarynan qatty qıraǵan turǵyn úıler men ákimshilik nysandaryn aralap kórdi.

Qazaqstan Prezıdentine evakýatsııa jumystarynyń barysy jáne jarylys oshaqtaryn toqtatyp, órtti sóndirý jóninde málimet berildi.

Memleket basshysy Іshki ister organdarynyń, Qorǵanys mınıstrliginiń, jergilikti atqarý organdarynyń qyzmetkerlerine rızashylyq bildirdi. Qasym-Jomart Toqaev bir kúnniń ishinde óte aýqymdy jumys atqarylǵanyn aıtty jáne jumystardyń osy qarqynyn báseńdetpeı, jalǵastyra berýdi tapsyrdy.