Qasym-Jomart Toqaev: Apattardan kóz jumatyndardyń sany óte kóp
ASTANA. QazAqparat - Byltyr Qazaqstanda 1600 adam túrli apattardan kóz jumǵan. Bul týraly búgin QR Parlamenti Senatynyń spıkeri Qasym-Jomart Toqaev málim etti, dep xabarlaıdy QazAqparat.
Senat tóraǵasynyń aıtýynsha, BUU málimetterine sáıkes, 2005-2014 jyldarynda túrli tabıǵı náýbetterden 700 myń adam qaza tapqan. 1,4 mıllıonnan astamy jaraqat aldy jáne 23 mıllıon adam baspanasyz qaldy.
Apattardan kelgen jalpy ekonomıkalyq shyǵyn 1,3 trln dollardy qurady.
"Byltyr elimizde 16 823 tótenshe jaǵdaı, tabıǵı jáne texnogendi apat oryn alypty. Sonyń kesirinen 3691 adam zardap shekti. Negizi biz osy apattardan kóp azamattarymyzdan aıyrylyp jatyrmyz, byltyrdyń ózinde elimizde 1600-dan astam adam kóz jumdy. Biraq azamattyq qorǵaý qyzmetkerleri on myńdaǵan adamdy qutqaryp alady, olardyń barlyǵy da azamattyq qorǵaý qyzmetkerlerine ómirbaqı qaryzdar. Sondyqtan tabıǵı jáne texnogendi apattardyń saldarlaryn aldyn alý Qazaqstannyń memlekettik saıasatynyń basty baǵyty bolyp qalady. Bizdiń memleket azamattyq qorǵaý júıesin damytý boıynsha sharalardy der kezinde qolǵa alyp keledi, quqyqtyq baza jáne onyń qyzmeti jetildirilýde", - dedi ol.
