Qasym-Jomart Toqaev: Altyn Orda - qazaqtyń mádenı kodynyń mańyzdy bólshegi
SOChI. QazAqparat - Altyn Orda - qazaqtyń mádenı kodynyń mańyzdy bólshegi. Bul jóninde Sochıde ótip jatqan «Valdaı» Halyqaralyq pikirtalas klýbynyń jylsaıynǵy XVI otyrysynda Qazaqstan Prezıdenti Qasym-Jomart Toqaev aıtty, dep habarlaıdy QazAqparat.
«Qazaqstanǵa kelsek, ózderińiz de bilesizder, ol shyn máninde jáne geografııalyq turǵyda da eýrazııalyq el sanalady. Árıne, el aýmaǵynyń basym bóligi Azııada ornalasqan. Degenmen, Qazaqstan terrıtorııasynyń 4 paıyzy eýropalyq kontınentte jatqanyn umytpaý kerek. Ol degenimiz – 120 myń sharshy kılometr jer», - dep atap ótti Prezıdent.
«Biz ıslam, konfýtsııshildik jáne shyǵys hrıstıan órkenıetteriniń toǵysqan tusynda ornalasqanbyz. Uly Jibek joly, Altyn Orda, eýrazııalyq ómir salty qazaqtardyń mádenı kodynyń mańyzdy bólshegi sanalady», - dedi Q.Toqaev.
