Qasym-Jomart Toqaev Alǵys aıtý kúnimen quttyqtady
«Qurmetti, partııalastar! Eń aldymen barshańyzdy búgingi Alǵys aıtý kúnimen quttyqtaımyn. Bul - ózara tilektestikti, janashyrlyqty qamqorlyqty dáripteıtin meıram. Biz osyndaı yntymaqtyń arqasynda qańtardaǵy qıyn-qystaý kúnderde memlekettigimiz ben tutastyǵymyzdy qorǵap qaldyq. Syn saǵatta birligin saqtaı bilgen barsha otandastarymyzǵa zor rızashylyǵymdy bildiremin», - dedi Memleket basshysy «Nur Otan» partııasynyń kezekten tys sezinde.
QR Prezıdenti uıymdy jańǵyrtý týraly alqaly jıynnyń dál búgin ótýiniń sımvoldyq máni bar ekendigin atap ótti.
«1 naýryz partııanyń qurylǵan kúni. 23 jyl buryn elimizdegi eń basty saıası uıymnyń negizi qalandy. Partııa halyqty ortaq maqsatqa jumyldyrdy. Qoǵamǵa paıdaly kóptegen bastama kóterip, saılaýshylardyń qoldaýyna ıe boldy», - dedi Qasym-Jomart Toqaev.
