Qasym-Jomart Toqaev Álemdik jáne dástúrli dinder lıderleri Sezi Hatshylyǵynyń Jumys tobynyń múshelerin qabyldady

dep habarlaıdy Senattyń baspasóz qyzmeti.

Q.Toqaev dinaralyq jáne mádenıetaralyq únqatysýdy ilgeriletý jónindegi atqarylǵan tabysty jumystarǵa oraı bıylǵy 13-14 qazanda Sez Hatshylyǵy Jumys tobynyń Astanada bolǵan otyrysyna qatysýshylardyń bárine alǵys aıtty.

Jumys tobynyń músheleri Dinı lıderler keńesiniń qyzmeti týraly Tujyrymdama jobasyn bekitti. Bul qujatty ázirleý týraly Qazaqstan Prezıdenti Nursultan Nazarbaev bastama kótergen bolatyn.

Tóraǵa Tujyrymdamanyń Álemdik jáne dástúrli dinder lıderleriniń 2012 jyly bolatyn IV Sezinde bekitiletinin aıtty. Hatshylyqtyń 2011 jylǵy mamyrda bolatyn kelesi otyrysynda Dinı lıderler keńesiniń Tujyrymdamasyn qabyldaýdyń nusqasyn, IV Sezdiń ótetin merzimin, taqyryby men kún tártibin belgileýdi talqylaý josparlanyp otyr.

Kezdesýge qatysýshylar órkenıetter arasyndaǵy únqatysýdyń jahandyq úderisterindegi, toleranttyq pen ózara túsinistik qaǵıdalaryn bekitýdegi Prezıdent Nursultan Nazarbaevtyń úlesin joǵary baǵalady.

Halyqtar arasyndaǵy birlik pen kelisimge qol jetkizý úshin konfessııaaralyq únqatysý mańyzdy qural ekeni, al Sez - túrli dinderdiń ókilderiniń yntymaqtastyǵy úshin jańa tuǵyrnama bolatyny atalyp ótildi.