Qasym-Jomart Toqaev aqyn, synshy Amanhan Álimniń otbasyna kóńil aıtty
NUR-SULTAN. QazAqparat - Memleket basshysy Qasym-Jomart Toqaev Halyqaralyq «Alash» ádebı syılyǵynyń ıegeri, aqyn, synshy Amanhan Álimniń otbasyna kóńil aıtý jedelhatyn joldady.
Bul týraly QR Prezıdentiniń baspasóz hatshysy Berik Ýálı óziniń Facebook paraqshasynda jazdy dep habarlaıdy QazAqparat.
«Aqyn, synshy, ádebıetshi, pýblıtsıst Amanhan Álimniń qaıtys bolýyna baılanysty onyń otbasy men týǵan-týystarynyń qaıǵylaryna ortaqtasyp kóńil aıtamyn.
Amanhan Álimuly qazaq ádebıetiniń kórnekti ókilderiniń biri edi. Sonymen qatar ol otandyq jýrnalıstıkanyń damýyna da ólsheýsiz úles qosty. Qatardaǵy tilshiden bas redaktorlyqqa deıingi joldyń bárinen ótti. Ol ulttyń ósýine, ádebıettiń damýyna kedergi bolatyn keri áreketterdiń barlyǵyn syn sadaǵyna ildi.
Amanhan Álim qazaq rýhanııatynyń kókjıegin keńeıtý úshin aqıqattan aınymaǵan qaıratker qalamger edi.
Marqumnyń jatqan jeri jaıly, ımany salamat bolsyn!»,-delingen jedelhatta.
