Qasym-Jomart Toqaev AQSh elshisi Krolǵa jemisti jumysy úshin alǵys aıtty
ASTANA. QazAqparat - Parlament Senatynyń tóraǵasy Qasym-Jomart Toqaev QR-daǵy AQSh elshisi Djordj Kroldy onyń Qazaqstandaǵy dıplomatııalyq mıssııasynyń aıaqtalýyna oraı qabyldady, dep habarlaıdy QazAqparat Senattyń baspasóz qyzmetine silteme jasap.
AQSh elshisiniń ekijaqty qarym-qatynastardy damytýǵa qosqan zor úlesin atap ótken Q.Toqaev Memleket basshysy N.Nazarbaevtyń osy jyldyń qańtar aıynda Vashıngtonǵa jasaǵan resmı saparynyń tarıhı mańyzdylyǵyn tilge tıek etti.
Toqaev pen Krol parlamentaralyq baılanystardy odan ári damytýdyń mańyzdylyǵy týraly aıta kelip, olardy jandandyrý qajettigin atap ótti.
«Senatorlar, kongressmender jáne Amerıka Parlamenti apparatynyń qyzmetkerleri Qazaqstanǵa qanshalyqty kóp kelse, AQSh halqy Qazaqstan týraly, elimizdiń ishki jáne syrtqy saıasaty týraly da kóp biletin bolady», - dep málimdedi Q.Toqaev.
Taraptar Qazaqstan men AQSh arasyndaǵy yntymaqtastyq pen áriptestiktiń strategııalyq sıpaty Ortalyq Azııa aımaǵyndaǵy qaýipsizdikti nyǵaıtý protsesiniń mańyzdy elementi ekenin atap ótti.
